انا ابــــــــــــــــــــــــــن الرمادي

خل نحجي الصراحه ونكشف المستور
خل نحجي الحقيقه وما نلف وندور
بعد راح النظام الجنه منه نخاف
وصار اسمه النظام البائد المقبور
وهسه احنه بتحرر مثل ما يكولون
وصرنه سباع واحنه النكتب الدستور
تحررنا وبعد ما نخاف بس الله
ومن بوش بصراحه نخاف منه يثور
تحررنا وبعد ما نمشي بامر احد
بس نقبل يهودي على العراقي يجور
تحررنا وبعد ما انام حتى الليل
لان فجأه وعليك الباب مدفور !!!!!
تحرننا وكعدنه اليوم كلنه جميع
وكلنه اليوم لازم نكتب الدستور
ولن واحد يريد شمال والاخر يريد جنوب
واحنه نموت خلي الوسط كله يبور
والاخرمعمم رايد الاسلام
بس ما تعبدالله تصلي لقبور
والأخر مثقف ما يعجبه الدين
يريد المره لو طلعت شعر منثور
والاخر صريح وكال ترس الفم
منريد العروبه خلنه نصير سلفادور
والاخر علمنه ما يعجبه اليوم
نشيل الله منه ونحط (( سنفور))!!!!!
وكلمن كال شنهو يريد
وافترت واجاني الدور
اجه وكت اللي اسولف بي
وخل تحترك كلهه بفرد تنور
احنه نريد كل العراق من زاخو لحد الهور
واحنه انريد كل الخير
من نفط الرميله لسمجه الخابور
واحنه انريد حت التراب
حتى الثلج والكافور
وتسال ليش ؟؟؟ اكلك ليش
لان شجره عراقك اني الهه جذور
اني ابن الرمادي واصلي جوه الكاع
لا لايف( شرق) لا مقطع ومبتور
اني ابن الرمادي واصلي اصل الكون
انا ابراهيم جدي وساكن بـــــــــــأور
انا الحسين جدي الما رضه العوجات
وانا القعقاع والفاروق من يثور
احنه اهل المضايف والكرم والطيب
ما منتقص منكم بس اثر مذكر
اني ابن الرمادي ويشهد التاريخ
من( بأم المساجد) ثارت صقور
اني ابن الرمادي وحيلي حيل سباع
شما ضل( بحديثه ) يدور ناعور
انا ابن الرمادي اللي رويت الكاع
سل الكاع كلهه دم منو المنثور؟؟؟
هي كلمه اكول ويسمع الكل
يسمع كل عميل ونذل مأجور
يبقى اسم الرمادي عقال فوق الراس
شما كببر مقاوم وانترس شاجور
واذا انت بحيل غيرك تقسم الكاع
تراني بحيل ناسي اقسم (ضهور)

زائر

عاشت الايادي و عاش العراق