حبيبي ياعراق

موضوع: حبيبي ياعراق الأربعاء يونيو 10, 2009 2:20 am

حبيبي ياعراق

ما أنت وحيد أنت الشعب كله بشيعتة و سنته
منهو الكالك ناسيك؟ هم ينسى الكمر وكتة؟
بس عشككـ عشكـ مفضوح و عشكـ الناس كلها مساتر و سكتة
صرت أنت سبت و بركبة يهودي
هم شايف يهودي يجوز من سبته
أنت الفارس اليسبكـ هبوب الريح و ما ظن خيل سابكته
و أنت اليرهم ترابك كحل للعين و دوة للما شفت علته
و من طينك نحني جفوف المعرسين و كل إصبع فرح من طيبتك طكتة
و أنت الريحة ترابك ترد الروح .. هيل و زعفران و عنبر بشمتة
و مثل تراب كاعك ما لكينا تراب ... يرهم للصلاة من طينته تربته
*أنت ينام بيك المرتضى الكرار ... أبو الحسنين التلوذ الناس كلها بشارته و بخته
و أنت ينام بيك بكربلاء حسين .. ألما بايع الطاغي و دنكـ ركبته
و أنت ألبيك ظلت شارة العباس ... لمن طاح دنكلة الفرات و باسه من شفته
*صح هسة أصبحت من وطن نيذر لأند ... هولندي الهوية و شعري جللته
و صح تأقلمت وية الغرب فد نوب ... و صرت ماصخ مثلهم و الملح عفته
و صح صرت ارطن رطنهم لمن يرطنون ... و لسان العرب بالأعجمي كسرته
لكن مدري شنهي يصير بي لمن يمر طاريك ... أحسنك دفو تموز وسط شتا
اثاريني مثل طبع النخل لو طال ... يرجع للأصول و تنحني شعفتة
العالم نسى يوم هدعش من أيلول ... صارت بيك سالفتة
ناس تكول لازم نحتويه و نشفط البترول ... و نعوض الراح و نسركـ بركته
و ناس تكول لازم ها الحصار يدوم ... و ناس تكول لازم ننزع اسلحتة
و ناس تكول خطية اطفالة ماتو من الجوع ... و ناس تكول حيل ويا ، ما حمد ربة و شاكر نعمته
و أنت بين هذا و ذاك صاير شبح لليرمون ... و ياهو الكام ضدك سدد تفكَتة
جي انك حلو و الدول منة تغار ... ما عدهم ألعندك من مجد نلته
أنت أول وطن آدم وضع جدمة عليه و كال يا الله ... لنك وصلة من جنته
و أنت أول وطن حبّة النبي إبراهيم ... و دعا ربة يصونه برحمته و عزته
و أنت أول وطن مرسى لسفينة نوح ... و النبي أيوب ناخت بيك راحلته
و أنت أول وطن علم العالم أبجدية و يكتب التاريخ و أنت أول وطن قانون سننته
و أنت أول وطن كالتلة الشمس يمه صباح الخير ... و لو رادت تمسي و أنت أول وطن ما يشبه الأوطان ... مدري شلون خالقك ربك ، سبحان ربي شلون صورته
صورته العراق و بس علينه يلوكـ ... و أحنة نلوكلة لمن يحل وكتة

صحيح بعيد بس كلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفركاك ماضل شعر بيه
عصت عيني يدمعي ما تهلك
وتلف من شاف طولك مات هلك
تگلي اشبيك ناحل ماتو اهلك
صدك طاووس من تكبل عليه

» حبيبي ياعراق
» ياعراق اخـــــــــــــــــــــــتار