ياعراق اخـــــــــــــــــــــــتار

اتخير ياوطن واثنين الك تختار .. لو طاغي يحكمك لو للأستعمار
اتخير ياوطن واثنين الك تختار.. لو تنباع جمله لو حكم جبار
عليك الطاح بالطف ياوطن تصرخ .. لحدمن ساكت ومحتار
عليك الكطعوا جفوفه .. عليك بشيمة الكرار
عليك بداعة الزهره وظلعهه ولوعة المسمار
مشهوداتلك ياموطن الثورات .. لاتنسى الحسين شلون لمن ثار
بشر واحد رفض ماصافح الطغيان .. ولاهزه يزيد وجيشه الجرار
علمنه الحسين التظحيات شلون .. شلون نموت بالعز موتة الاحرار
نذر روحه برمح من زاحماه الموت .. ونادى الموت اولى من ركوب العار
اتخير ياوطن واثنين الك تختار