الله اكبر ياعراق
الله اكبر ياعراق الله اكبر ياشعب
تنذبح وانتة شباب ويسيل دمك ياشعب
ليش هذا يازمن الصار بينة ماصار لشعب
نعيش كل يوم واحنة بحالة من الرعب
يموت هذا وذاك
وانت بحالة من الشغب
لشوكت دمك ياعراقي
يصرخ بصوت العجب
ويصيح كافي
مو كافي قتل ونهب
هذا عموري حبيبي مات وانطاك عمره بلا سبب
وعلاوي راح ومات للأبد
ماتوا وهمة شباب حتى ماعرفوا الاسباب
راحوا وودعونة ماصدك بعد يجونة
وسفة ياشعب الديصير بيك
السفك والذبح كلة بيك
وانت ساكت ياشعب
لشوكت يتحرم سفك دمك
وينزاح للتالي همك
ونشوفك مثل الوليد طالع من بطن امك
بعدك شباب وكل البرائة بيك
وماتعرف شنوه القتل ولا تعرف التكتيك
تحجي وتشوف الشعب وتكلة ابني شبيك
شوكت ياعراق شوكت ياشعب
نخلي ايد بايد وندحر وحدنة كل الشغب
ونعيد امجاد اجدادنا ونرفع اسم بلدنة
بتوحدنة صدكوني تتكسر اعلى القمم
وتصير وحدتنة قوية ما تموعهة الحمم
ونصير احلى بلد مابيه ضيم و همم
يمتى اخ لو اعرف شوكت
انت تعرفون جاوبوني اذا تعرفون
لشوكت نبقى نودع اصدقائنا واقربائنا واحبابنا نودعهم للقبر ليش نكتلوا وشلون يمكن مفخخة لو تسليب لو قتل بخيانة لو قتل على الديانة
ما اعرف السبب
بس ليش اظل وحدي اودع اصدقائي يومية واحد ما اعرف يومة دمعة تنزل في بيت من بيوت الوطن
ليش وليش وليش ما اعرف شوكت تصفة
المهم اني اعتذر اذا كلامي كان جارح او اذا اسات لاي شخص بس والله هذا اللي بقلبي حاولت اطلع جزء منة
لان راح اطك واموت من القهر
موضوع: الله واكبر يا عراق 
الجمعة مايو 01, 2009 3:27 pm
